Til menejmenti va tilni rejalashtirish tushunchalarining lingvosiyosiy yondashuvlari

Abstract

Mazkur maqolada til menejmenti, tilni rejalashtirish atamalari tavsiflari bilan bir qatorda til muhandisligi, glottopolitika, tilni rivojlantirish, tilni tartibga solish birliklari mazmun-mundarijasi ham atroflicha yoritildi. Til menejmenti, tilni rejalashtirish tushunchalari lingvistika, siyosat va menejment fanlari kesimida tahlilga tortilib, ularda keltirilgan ta’riflar integratsiya qilinadi. Til menejmenti, tilni rejalashtirish tushunchalarining fanlararo mohiyati ochib berildi. Shuningdek, tilni rejalashtirish lingvistik mezonlarga aloqador ekanligi, uning tashkillashtirilishi aloqa muammolariga bog‘liq ravishda amalga oshirilishi, tilni rejalashtirish atamasi va unga aloqador ma’nolar bevosita jamiyat bilan bog‘liq ekanligi qator jahon tilshunoslari, sotsiologlari, kommunikatsiya mutaxassislari va siyosatshunoslarning qarashlari asosida dalillandi va muayyan xulosalar berildi.